Hannes í leik með FH.
Hannes Þ. Sigurðsson, fyrrum landsliðsmaður, er að ná eftirtektarverðum árangri sem þjálfari í fimmtu efstu deild Þýskalands.
Skrifað er um árangur Hannesar hjá Morgunblaðinu. Hann sýrir Deisenhofen sem er frá Bæjaralandi, skammt frá München.
Hann kom þeim upp um deild síðasta sumar og er núna með lðið í öðru sæti í sínum riðli þrátt fyrir að leikmannahópurinn hafi ekki verið mikið styrktur. Hann er mikið að leyfa ungum strákum að spreyta sig.
Það eru 22 umferðir af 34 búnar, en ef liðið endar þar sem það er núna þá fer það í umspil um sæti í fjórðu efstu deild þar sem mörg atvinnumannalið leika.
Mikil ánægja er með störf Hannesar og er hann búinn að framlengja samning sinn til 2021.
Hannes er 36 ára gamall og lék 13 landsleiki fyrir Íslands hönd sem leikmaður. Hann lék síðast á Íslandi með FH sumarið 2011 en á leikmannaferli sínum erlendis lék Hannes í Noregi, Englandi, Danmörku, Svíþjóð, Kasakstan, Rússlandi, Austurríki og Þýskalandi.
Athugasemdir
