Frosti er tvítugur leikmaður sem leikur framarlega á vellinum.

Hann kemur til Hauka frá frá Magna Grenivík en hann er uppalinn í KA. Hann á fimm leiki að baki í efstu deild með KA en síðustu tímabil hefur hann spilað í næst efstu deild með Magna. Á síðustu leiktíð spilaði hann 11 leiki í deild og bikar með Magna.

Magni féll í 2. deild en hann ætlar að taka slaginn með Haukum sem höfnuðu í fimmta sæti 2. deildar á síðustu leiktíð. Haukar voru með mjög ungt lið á síðustu leiktíð og Frosti passar inn í það þó hann sé kominn með ágætis reynslu í meistaraflokki.