„Ívar vildi ekki fara. Hann ætlar að vera áfram hjá Val," bætti Hjörvar við. Fótbolti.net heyrði í Ívari í dag og spurði hann út í stöðu mála.

„Já það voru einhverjar viðræður en mér fannst tímapunkturinn ekki réttur til að skipta um félag," sagði Ívar við Fótbolta.net.

Var það komið á það stig að Valur hafði samþykkt tilboð HK?

„Ég er ekki rétti maðurinn til að svara hvað fór á milli félaganna, ég fékk allavega leyfi til að skoða þennan möguleika," sagði Ívar.