Þorsteinn Már Ragnarsson var maður leiksins í dag þegar Stjarnan vann Fjölni 1-4 á Extra-vellinum í dag. Þorsteinn var flottur í leiknum í dag með mark og stoðsendingu og gerði út um leikinn þegar hann skoraði þriðja mark Stjörnunar.

„Frábær seinni hálfleikur, sýndum karakter, fengum mark á okkur á leiðinlegum tíma í enda fyrri hálfleiks en bara frábær karakter að skora þrjú í seinni hálfleik," sagði Þorsteinn eftir leik.

Hvað sögðu Rúnar og Óli í hálfleik?

„Bara halda áfram, við vorum betri í fyrri hálfleik og bara já halda áfram því sem við vorum að gera, við bara héldum því plani og það uppskar þrjú mörk."