Hólmbert Aron Friðjónsson er genginn í raðir Holstein Kiel. Frá þessu greinir félagið á samfélagsmiðlum sínum í dag. Hólmbert skrifar undir þriggja ára samning við félagið.
Hólmbert, sem er 28 ára gamall sóknarmaður, kemur til Kiel frá Brescia á Ítalíu. Hólmbert gekk í raðir Brescia í október í fyrra og var mikið meiddur í vetur. Alls lék hann 93 mínútur í ítölsku B-deildinni á tímabilinu.
Hólmbert, sem er 28 ára gamall sóknarmaður, kemur til Kiel frá Brescia á Ítalíu. Hólmbert gekk í raðir Brescia í október í fyrra og var mikið meiddur í vetur. Alls lék hann 93 mínútur í ítölsku B-deildinni á tímabilinu.
Holstein Kiel leikur í þýsku B-deildinni og hafnaði þar í þriðja sæti á síðustu leiktíð. Liðið tapaði gegn Köln í umspili um að komast upp í efstu deild. Félagið kom einnig á óvart í bikarkeppninni og komst alla leið í undanúrslit þar. Liðið sló meðal annars Bayern München úr leik.
Hólmbert er þriðji Íslendingurinn til að ganga í raðir Holstein Kiel. Eiður Aron Sigurbjörnsson og Hákon Sverrisson hafa einnig verið á mála hjá félaginu.
Athugasemdir