Sænski sóknarmaðurinn Zlatan Ibrahimovic telur að Jose Mourinho muni standa sig vel í sínu næsta starfi.

Mourinho er ekki enn kominn með nýtt starf sem knattspyrnustjóri frá því hann var rekinn frá Manchester United í desember á síðasta ári. Hann er í dag að vinna sem sérfræðingur á Sky Sports.

Zlatan vann með Mourinho hjá Inter og Manchester United og hefur hann mikla trú á portúgalska stjóranum.

„Hann hefur haft ótrúleg áhrif á minn feril," sagði Zlatan í samtali við Gazzetta dello Sport.

„Hann er enn 'sá sérstaki', sigurvegari. Ég vona að hann verði fljótt kominn aftur á bekkinn og ég er viss um að hann muni byrja að vinna strax."

Nýlega forseti Lyon að Mourinho hefði hafnað franska félaginu vegna þess að hann væri búinn að finna sér nýtt félag.

Zlatan er mjög hrifinn af Mourinho, en Svíinn er ekki jafn hrifinn af Pep Guardiola. Zlatan vann með Guardiola hjá Barcelona.

„Þegar við mættum hvor öðrum, þá fór hann í felur. Hann beið eftir því að ég færi og þá fór hann," sagði Zlatan.

Zlatan ætlar að leita á ný mið í janúar þegar samningur hans við LA Galaxy í Bandaríkjunum endar.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit