Arsenal spilar á morgun við Rapíd Vín frá Austurríki í fyrsta leik sínum í riðlakeppni Evrópudeildarinnar.
Rúnar Alex Rúnarsson gæti þar spilað sinn fyrsta leik fyrir Arsenal, en hann gekk í raðir félagsins í síðasta mánuði. Bernd Leno er aðalmarkvörður Arsenal en Rúnar gæti fengið tækifæri í Evrópudeildinni.
Mikel Arteta, stjóri Arsenal, var spurður á því á blaðamannafundi fyrir leikinn á morgun hvort Rúnar Alex yrði í markinu.
„Ég get ekki sagt þér hvernig liðið verður á morgun, því miður," sagði Arteta.
Leikur Rapid Vín og Arsenal er á morgun klukkan 16:55.
Athugasemdir