Það er farið að halla undan fæti hjá franska þjálfaranum Zinedine Zidane eftir erfiða byrjun Real Madrid á tímabilinu en liðið gerði 1-1 jafntefli við Villarreal í dag og er fjórum stigum frá toppliði Real Sociedad.
Madrídingar hafa aðeins unnið sex leiki af fyrstu tólf leikjunum í öllum keppnum á þessu tímabili og er sæti Zidane orðið heitt en liðið varð spænskur meistari á síðustu leiktíð.
Zidane er óhress með stöðuna og var pirraður á spurningum blaðamanna eftir leikinn.
„Ég er með sömu markmið og vanalega og það breytist ekki en þið þurfið ekki að hafa áhyggjur af því. Haldið áfram að gera það sem þið eruð að gera og ég mun halda áfram að vinna mína vinnu," sagði Zidane.
„Jafnteflið er vonbrigði. Við áttum meira skilið úr þessum leik og ég var pirraður því strákarnir lögðu sig fram í dag," sagði hann ennfremur.
Athugasemdir
