Valur sigraði Breiðablik 3-2 í lokaumferð Pepsideildarinnar í dag.
Lestu um leikinn: Valur 3 - 2 Breiðablik
Það hlýtur að hafa verið gaman að enda tímabilið hér á sigri?
"Já þetta var bara mjög skemmtilegt í dag. Gaman að spila."
En ef þú lítur yfir sumarið. Þið eruð með alveg bilaðslega mikið af flottum leikmönnum í þessu liði. Þið náið ekki að blanda ykkur í toppbaráttuna. Hvað veldur þessu?
"Við þurfum kannski bara meiri tíma til að slípa okkur saman. Það voru nýir leikmenn að koma inn og já við þurfum kannski bara meiri tíma með nýjum þjálfara og svona. Ég held að það geti alveg komið sko"
Elín var fyrir leikinn í 4.sæti yfir markadrottningar deildarinnar. Fyrir ofan hana var Sandra María Jessen í Þór/KA með 14.mörk.
12 mörk í sumar. Þú fékkst fullt af færum í dag, það hlýtur að hafa verið svekkjandi?
"Já já ég vildi alveg skora sko. Auðvitað svekkjandi að ná því ekki en við unnum samt leikinn og ég er ánægð með það."
En svona fyrir ykkur í sumar. Þið eruð vanar að vera alltaf í toppbaráttunni. Hvernig er svona að gíra sig inn í leikina, síðustu leikina, vitandi það að þið eruð ekki að slást um þann stóra?
" Ég meina maður fer í alla leiki til þess að vinna þá. Maður hlýtur að geta mótiverað sig upp í það, við náðum að gera það í dag. Nutum þess að spila og okkur finnst gaman í fótbolta. Ef manni finnst gaman að spila ætti að vera auðvelt að mótivera sig í leiki"
Nánar er rætt við Elínu í spilaranum hér að ofan.
Athugasemdir