| sun 22. september 2019 17:20 |
|
Davíð Þór: Þurfum bara að vinna Grindavík
Davíð Þór á einn leik eftir af ferlinum.
„Þetta er svekkelsi. Við ætluðum náttúrulega koma hingað og sækja þrjú stig. Við byrjuðum vel en svo gerist eitthvað eftir að þeir jafna og við náum okkur ekki almennilega á strik eftir það." sagði Davíð eftir leikinn í dag.
Lestu um leikinn: KR 3 - 2 FH
Sigurmark KR kom úr vítaspyrnu í dag og voru FH-ingar vægast sagt ósáttir með dóminn hjá Erlendi Eiríkssyni dómara leiksins.
„Mér fannst þetta ekki vera víti. Mér finnst Cedric (D'Ulvio) bara taka boltann og Óskar (Örn) sparkar í hann eftir það."
FH er í bílstjórasætinu um Evrópusæti fyrir síðastu umferðina en það verður jafnframt síðasti leikur Davíðs Þórs þar sem að hann leggur skóna á hilluna eftir tímabilið.
„Við þurfum bara að vinna þann leik, það er ekkert flóknara en það. Það er aðalatriðið að við náum þessum Evrópusæti þannig að ég set tilfinningarnar til hliðar. Vonandi verður þetta góður dagur fyrir bæði mig og félagið." sagði Davíð að lokum.
Nánar er rætt við Davíð að spilaranum að ofan.
Athugasemdir
Nýjustu fréttirnar
20:30
