Jói Kalli: Allan daginn víti

„Að því sögðu fengum við tvö-þrjú ágætis færi eftir að við jöfnum þar sem mér fannst HK-ingarnir vera heppnir að við náðum ekki að taka öll stigin."

„Við fórum úr fimm manna varnarlínu þegar við setjum Sigurð (Hrannar Þorsteinsson) inn og fórum í 4-4-2. Hugmyndin var að fjölga í sókninni. HK-ingarnir voru komnir neðar á völlinn og mér fannst okkur ganga betur eftir þetta. Það gekk betur að halda pressunni á þeim með breyttu leikkerfi."

ÍA gerði nokkur tilköll til að fá vítaspyrnu í leiknum áður en liðið fékk svo vítaspyrnu undir lokin.

„Mér fannst að við hefðum mögulega átt að fá meira en dómarinn dæmdi bara í það skiptið. Varnarmaður HK hrindir beint í Marcus þannig þetta var allan daginn víti."

Jói Kalli sagði einnig að þetta væri eilítið svekkjandi þar sem liðið fékk góða sénsa í kjölfar jöfnunarmarksins en: „Alltaf sama tuggan - Virða stigið."

Jói Kalli var að lokum spurður út í lokaleikinn í deildinni sem fram fer um næstu helgi á Akranesi.