Chelsea áfram með veskið opið og vill fá Malo Gusto

James er nú nálægt því að snúa aftur eftir meiðsli en Chelsea telur sig þurfa meiri breidd í hans stöðu.

Gusto býr yfir miklum hraða og spilar oft eins og hann sé vængmaður, hann er líkur James að því leyti.

Chelsea hyggst einnig fá inn miðjumann áður en glugganum verður lokað og hefur verið orðað við Enzo Fernandez, Moises Caicedo og Franck Kessie.

Chelsea hefur farið hamförum á leikmannamarkaðnum. Mykhailo Mudryk, Benoit Badiashile, Noni Madueke, Andrey Santos og Joao Felix (á láni) eru allir komnir til Chelsea í þessum glugga en liðið situr í tíunda sæti úrvalsdeildarinnar.