Portúgalska félagið Benfica er að ganga frá kaupum á bakverðinum Alvaro Fernandez en hann kemur frá Manchester United.
Kaupverðið er í kringum 6 milljónir evra.
Kaupverðið er í kringum 6 milljónir evra.
Fernandez er 21 árs gamall vinstri bakvörður sem kom til Man Utd frá Real Madrid árið 2020. Hann var í akademíu United og kom við sögu í fjórum leikjum með aðalliðinu.
Hann var lánaður til Preston og Granada en yfirstandandi leiktíð hefur hann verið á láni hjá Benfica.
Fernandez hefur í heildina spilað tíu keppnisleiki með Benfica en félagið ætlar sér að kaupa hann.
Hann skrifar undir fimm ára samning við Benfica en Man Utd mun eiga möguleika á því að kaupa hann til baka fyrir fyrirframsamda upphæð.
Athugasemdir