Albert hefur verið meðal bestu leikmanna Genoa undanfarin misseri og sýnt flotta takta í Serie A deildinni. Hann gekk til liðs við Genoa í janúar 2022 eftir níu ára dvöl í Hollandi þar sem hann lék fyrir unglingalið Heerenveen áður en hann skipti yfir til PSV Eindhoven og AZ Alkmaar.
Albert er 26 ára kantmaður að upplagi en getur einnig spilað í holunni fyrir aftan fremsta mann eða í fremstu víglínu. Hann leikur við hlið Mateo Retegui í tveggja manna sóknarlínu Genoa undir stjórn Alberto Gilardino, sem notast við útgáfu af 4-4-2 leikkerfi.
Albert er sá leikmaður sem hefur leikið á flesta andstæðinga í Serie A það sem af er tímabils.
Calciomercato greinir einnig frá þessum orðrómum og fer skrefinu lengra. Þar er því haldið fram að Genoa hafi hafnað tilboðum frá Napoli í sumar, en félagið sé enn áhugasamt.
Albert hefur skorað 6 mörk í 35 A-landsleikjum en var ekki í síðasta landsilðshópi vegna áskana um alvarlegt kynferðisbrot.
