Pickford segir að það sé allt í lagi með Kane

Kane meiddist á ökkla snemma í seinni hálfleik í 6-2 sigrinum gegn Íran á mánudag.

Kane og aðrir leikmenn sem byrjuðu gegn Íran voru ekki með á æfingu í gær og tóku þess í stað endurhæfingu. Kane var með á æfingunni í dag að sögn Pickford.

„Hann var með okkur á æfingunni og það er allt í góðu með hann," sagði Pickford.

Þetta eru frábær tíðindi fyrir Englendinga sem mæta Bandaríkjamönnum í öðrum leik sínum á HM á föstudagskvöld.