Anthony Martial er genginn til liðs við Sevilla á láni frá Manchester United en Fabrizio Romano greindi frá þessu á Twitter.
Það er allt klappað og klárt og Martial mun fljúga til Spánar á þriðjudaginn. Hann verður á láni út þessa leiktíð.
Þegar allt verður lagt saman mun Sevilla borga United 6 milljónir punda. Spænska félagið mun borga launin hans út tímabilið en það er ekkert ákvæði um að Sevilla geti keypt hann í sumar.
Martial hefur ekki verið í lykilhlutverki hjá United undanfarin ár en hann hefur til að mynda aðeins komið við sögu í 8 leikjum í ensku úrvalsdeildinni á þessari leiktíð.
Hann gekk til liðs við United frá Monaco tímabilið 2015/16.
Athugasemdir