Árni og hans menn eru úr leik í bikarnum
Lið Árna Vilhjálmssonar, Zalgiris, er úr leik í bikarnum í Litháen eftir að hafa tapað fyrir Kauno Zalgiris, 3-0, í dag, en þriðja markið var alveg kostulegt.
Markvörður Zalgiris var í þann mun að fara taka markspyrnu og ætlaði hann að flýta sér að koma boltanum fram.
Það fór þó ekki betur en svo að hann þrumaði boltanum í hnakkann á liðsfélaga sínum, Stipe Vucur, og þaðan fór boltinn í netið.
Vucur lá svo eftir í grasinu. Ansi neyðarlegt allt saman en markið má sjá hér fyrir neðan.
Sjáðu sjálfsmarkið hér
Athugasemdir
