Rúnar Páll Sigmundsson, þjálfari Stjörnunnar, var brattur eftir öruggan sigur gegn Leikni frá Fáskrúðsfirði í 32-liða úrslitum Mjólkurbikarsins en þeir fóru með sigur af hólmi og voru lokatölurnar 3-0 fyrir Stjörnuni.

"Bara ágætis frammistaða að mörgu leyti, áttum í smá erfiðleikum með að skora í fyrri hálfleik eða fyrstu sextíu mínúturnar, þeir voru vel skipulagðir og gerðu það vel en við fengum samt alveg fullt af færum sem við náðum ekki að skora úr en en við töluðum um það í hálfleik að vera þolinmóðir og við vorum það og svo kom fyrsta markið og svo annað í framhaldið þannig bara fínt að landa þessum sigri og komast áfram"

Hvernig fannst Rúnari leikmenn sem ekki hafa spilað mikið í byrjun tímabils koma inn í byrjunarliðið?

"Þeir sem spiluðu þennan leik spiluðu hann bara ágætlega, flest allir... eða allir, ég hafði engar áhyggjur af því og bara frábært fyrir þá að fá 90 mínútur"