Arnar Gunnlaugsson, þjálfari Víkinga, var í kvöld spurður út í framtíð sína eftir tap gegn Fylki í Pepsi Max-deildinni.
Víkingur er eftir tapið í tíunda sæti deildarinnar með 15 stig, sjö stigum frá fallsvæðinu. Þó ber að geta að Víkingur á leik til góða á liðin tvö sem eru í fallsætunum, Gróttu og Fjölni.
Tímabilið er mikil vonbrigði fyrir Víkinga, en Arnar var með hálteit markmið fyrir sumarið og talað um Íslandsmeistaratitilinn.
„Ég er alveg búin að vera nógu lengi í þessu til þess að vita að þetta er 'result business' og það gengur ekki fyrir mig endalaust að vera tala um einhverja tölfræði og hvað við erum æðislegir í einhverju possession, einhverjum xG og svona fræðum ef við vinnum ekki leiki það gefur augaleið. Ég hef samt 'basically' engar áhyggjur, ég mun sofa mjög rólegur í kvöld," sagði Arnar í viðtali við Fótbolta.net.
Viðtalið má sjá í heild sinni hér að neðan.
Athugasemdir