Pálmi Rafn Pálmason.
„Við erum ógeðslega svekktir en ætli við höfum nokkuð átt meira skilið úr þessum leik," sagði Pálmi Rafn Pálmason, leikmaður KR, eftir 1-1 jafntefli við Gróttu í Pepsi Max-deildinni.
Lestu um leikinn: KR 1 - 1 Grótta
Grótta fékk rautt spjald í stöðunni 0-0 undir lok fyrri hálfleiks. Gestirnir komust hins vegar yfir en KR náði að jafna þegar 20 mínútur voru eftir af venjulegum leiktíma.
„Við erum á rassgatinu meira og minna allan leikinn, og við eigum að skammast okkar fyrir þessa frammistöðu," sagði Pálmi.
„Þeir gerðu þetta mjög vel, ég tek það ekki af þeim. Það var ekkert tempó hjá okkur, við létum ekki boltann ganga nógu hratt og vorum að fara inn í miðjuna þar sem þeir vildu fá okkur. Ég tek ekkert af þeim, þeir voru mjög flottir. Við getum mikli betur og það er ógeðslega svekkjandi að missa af stigum þegar við erum að skíta á okkur."
KR vann Breiðablik á útivelli í síðasta leik en tapar svo stigum á heimavelli gegn Gróttu í kvöld. „Ef við mætum ekki eins í alla leiki þá gerist svona, þá erum við ekki að fara að vinna alla leiki. Ég vil meina að við getum verið besta liðið á landinum en við getum líka verið ansi slakir."
Viðtalið er í heild sinni hér að ofan.
