Arnar Gunnlaugsson, þjálfari Víkings R., var að vonum svekktur eftir 1-0 tap sinna manna gegn KR í sjöttu umferð Pepsi Max-deildar karla í kvöld.

„Ég er gríðarlega svekktur með að tapa þessum leik. Það var gott tækifæri til að vinna KR í dag og leikplanið gekk upp að vissu leyti. Við dómineruðum possession allan leikinn án þess að fá dauðafæri." sagði Arnar eftir leikinn.

Lestu um leikinn: Víkingur R. 0 -  1 KR

Eins og Arnar segir voru Víkingur mikið meira með boltann án þess að ná að skapa sér neitt af viti en vörn KR var gríðarlega góð í dag.

„Það er ekki oft sem að maður sér KR jafn neðarlega sem að segir að þeir voru að sýna okkur virðingu. Þeir skora snemma leiks sem að gaf þeim adrenalín kick í nokkrar mínútur en eftir það vorum við flottir."

Gary Martin, fyrrverandi leikmaður Víkings, hefur verið mikið til umræðunnar undanfarnar vikur en hann er laus allra mála frá Val. Arnar segir það vel koma til greina að Víkingur reyni að fá hann aftur.

„Þetta er bara mál sem að við þurfum að skoða. Gary er náttúrulega góður leikmaður sem að þekkir Víking og það er ekkert launungamál að við þurfum að auka breiddina." sagði Arnar meðal annars um málið.

Nánar er rætt við Arnar í spilaranum að ofan.

Tweet

Senda a Facebook Hafdu samband Senda frétt Prenta frétt Frétta leit