Celtic vann skosku þrennuna þriðja árið í röð eftir sigur gegn Hearts í úrslitaleik bikarsins í dag.
Neil Lennon er við stjórnvölinn eftir að hafa tekið við af Brendan Rodgers í febrúar. Samningur hans gildir út tímabilið, en Sky Sports heldur því fram að Celtic sé búið að bjóða honum langtímasamning. Allar líkur eru á því að Lennon samþykki starfstilboðið.
Lennon stýrði Celtic í fjögur ár frá 2010 til 2014 og vann deildina þrisvar og bikarinn tvisvar. Hann tók svo við Bolton í október 2014 en gekk herfilega enda skelfilegt ástand hjá félaginu.
Hann tók í kjölfarið við Hibernian í Skotlandi í júní 2016 og gerði góða hluti þar. Hann yfirgaf félagið til að taka við Celtic í vetur.
📝 We are delighted to announce that Neil Lennon has been offered the job as permanent #CelticFC manager and the details will be confirmed in the coming days 🍀⚪️ #TrebleTreble pic.twitter.com/riIbbdkB7I
— Celtic Football Club (@CelticFC) May 25, 2019
Athugasemdir