Þessi 56 ára gamli sigursæli knattspyrnustjóri var rekinn frá Manchester United í desember síðastliðnum og er enn án starfs.

Hann hefur verið orðaður við fjölda félaga og núna síðast Juventus. Mourinho er ekki viss um næsta áfangastað.

„Ég veit það ekki. Það eina sem ég veit er að ég má ekki láta tilfinningarnar ráða," sagði Mourinho við Sky Sports í Mónakó. „Ég verð að taka skynsama ákvörðun."

„Ég verð að velja rétta verkefnið fyrir mig sjálfan."

„Ég vil vera sterkari en nokkru sinni fyrr. Ég er að læra mikið, ég er að vinna mikið með þjálfarateymi mínu. Við verðum að vera tilbúnir."

Sjá einnig:
Mourinho: Klopp ætti erfitt með að kyngja tapi í úrslitaleiknum