Ighalo gekk til liðs við Unied í janúar á láni út tímabilið áður en kórónaveiran fór að breiðast út um allan heim.

Ighalo fór vel af stað með United og heillaði stuðningsmennin en allur fótbolti fór á hliðina vegna veirunnar og eru deildirnar að fara aftur af stað núna á næstu vikum.

Lánssamningar leikmanna eru því ansi flóknir en Ighalo á að fara aftur til Shenhua á næstu dögum. Man Utd hefur ítrekað reynt að halda honum í þrjá mánuði til viðbótar en kínverska félagið hefur hafnað því.

Ighalo mun því að öllum líkindum fara aftur til Kína á mánudaginn í næstu viku.

Shenhua hefur þegar boðið honum nýjan ofursamning en hann mun þéna 400 þúsund pund á viku og er samningurinn til ársins 2024.