Norski framherjinn Joshua King er afar eftirsóttur þessa dagana en fjögur bestu lið ensku úrvalsdeildarinnar hafa áhuga á því að fá hann frá Bournemouth. Sky Sports greinir frá.
King, sem er 28 ára gamall, var nálægt því að ganga aftur í raðir Manchester United í janúar en Bournemouth hafnaði þá 20 milljón punda tilboði í hann. United ákvað í staðinn að fá Odion Ighalo á láni frá Shanghai Shenhua.
King hefur heillað mörg lið í ensku úrvalsdeildinni en hann hefur verið heitur með Bournemouth frá því hann kom til félagsins fyrir fimm árum síðan.
Samkvæmt Sky Sports eru fjögur af sex toppliðum ensku úrvalsdeildarinnar á eftir honum og ljóst að það verður hart barist um hann í sumar.
Chelsea er eitt af liðunum og má gera ráð fyrir því að United sé einnig í hópnum en það verður áhugavert að sjá hvað verður um King í sumar.
Athugasemdir