Bild segist hafa öruggar heimildir fyrir því að varnarmaðurinn öflugi Dayot Upamecano sé búinn að taka ákvörðun varðandi framtíð sína.
Upamecano er 21 árs miðvörður sem hefur verið lykilmaður í liði Leipzig undanfarin ár. Hann á yfir 40 leiki að baki fyrir yngri landslið Frakklands.
Hann á aðeins eitt ár eftir af samningi sínum og er metinn á 50 milljónir evra. Í samningi hans er söluákvæði sem hljóðar upp á 60 milljónir.
Arsenal og FC Bayern eru meðal þátttakenda í kapphlaupinu um Upamecano.
Leipzig er í þriðja sæti þýsku deildarinnar um þessar mundir, fimm stigum eftir toppliði Bayern. Þá er liðið komið í 8-liða úrslit Meistaradeildarinnar eftir auðveldan sigur á Tottenham í síðustu umferð.
Athugasemdir