Fótbolti.net

Höskuldur: Verður allt annar leikur hér á Kópavogsvelli

„Búnir að fá æfingu í því í 11 leikjum af 14"

Skoraði sitt fyrsta mark á ferlinum með skoti fyrir aftan miðju

Siggi Hall: Þeir brotnuðu og við gengum á lagið

Haddi eftir 5-0 tap: Svekktir fyrsta klukkutímann á leiðinni heim

Björn Daníel skaut á „gömlu kallana“ í Stúkunni - „Aldrei spilað á svona góðu grasi“

Kjartan Henry: Hlakka til að horfa á leikinn aftur

Gústi Gylfa: Eins og Þorgrímur Þráins sagði, varnarleikur vinnur leiki

„Örugglega það besta sem ég hef séð frá honum síðan ég kom"

Rúnar: Ætlum ekki að fara grenja yfir því að hafa tapað

Partí á Ísafirði í kvöld - „Vonandi sletta þeir aðeins úr klaufunum"

Alli Jói: Pabbi hringdi í mig og skammaði mig eftir leik

Fyrsta tap ÍR: „Helvíti gróft ef að eitt tap í tólf leikjum sitji þungt í mönnum"

Hemmi fékk góða afmælisgjöf: „Hún gat ekki verið betri"

Reynir Freyr: Gefur okkur mikið að fá Jón Daða

Gunnar Guðmunds: Við erum búnir að fá okkur alltof mörg mörk úr föstum leikatriðum

Árni Freyr: Andleysi leikmanna í hámarki

Jakob Gunnar spilaði sinn síðasta leik fyrir Þróttara: Vildi spila meira

Ingi Rafn: Fyrri hálfleikurinn skóp þennan sigur

Mark tekið af Keflavík vegna rangstöðu: „Bara óskiljanlegt"

sun 26. maí 2024 20:10

Sölvi Haraldsson

Rúnar Kristins: Engin skömm að tapa fyrir Breiðabliki

Mynd: Fótbolti.net - Hafliði Breiðfjörð

„Þetta var mjög gott að mörgu leyti. Við gáfum Blikum góðan leik, þeir voru í mestu vandræðum með að opna okkur. Síðan kemur eitt mark úr skyndisókn þegar við erum með allt liðið okkar uppi á vellinum. Þeir leysa skyndisóknirnar miklu betru en við gerðum.“ sagði Rúnar Kristinsson, þjálfari Fram, eftir 4-1 tap á móti Breiðablik í dag.

Lestu um leikinn: Fram 1 - 4 Breiðablik

Leikurinn var lengi vel í járnum en Breiðablik náðu að setja tvö mörk alveg í lokin. Því verður að spurja hvort 4-1hafi verið sanngjörn úrslit?

„Þetta var alls ekki 4-1 leikur. Síðustu tvö mörkin voru bara stór misskilningur milli varnarmanna. Óli (Ólafur Íshólm) missir hann síðan klaufalega undir sig. Óli var búinn að vera frábær fyrir okkur í dag og frábær allt þetta tímabil. Úrslitin 4-1 gefur ekki rétta mynd af leiknum.“

Annar leikurinn í röð sem Fram kemst yfir en missa það niður. Rúnar segir það ekki vera áhyggjuefni en hann kemur þá einnig inn á það að þetta verður ekki svona í allt sumar að Fram-liðið kemst yfir og heldur svo bara hreinu.

„Nei alls ekki. Þó að fyrstu leikirnir hafi verið þannig að við fengum sjaldan mark á okkur eftir að hafa komist yfir að þá verður það ekki þannig allt tímabilið. Við erum viðbúin því að svona gerist. Ef við tökum munin á Fram-liðinu núna og í fyrra erum við að sjá breytingu. Við þurfum samt að halda áfram. Mótið er langt.“

Fyrir leikinn voru Framarar búnir að fá á sig 5 mörk og besta varnarliðið í deildinni. Í dag fengu þeir á sig fjögur mörk en þetta var allt öðruvísi leikur en þeir hafa spilað í upphafi móts.

„Allt í einu dettur þetta svona og fellur svona með Blikum. Þá lítur þetta mun verr út. Færin sem liðin fengu í dag, ég held að þau hafi veirð nokkuð jöfn í dag.“

Næsti leikur hjá Fram er grasleikur. Þeirra fyrsti í sumar þegar þeir mæta í Kaplakrika og spila við FH.

„Við þurfum að skoða FH-ingana, þeir eru öflugir. Fyrsti leikur á grasi í sumar, frá því í æfingarferðinni reyndar. Það verður áhugavert að sjá hvernig við verðum þá.“ sagði Rúnar að leiks lokum.