HK heimsóttu Stjörnunna í kvöld á Samungvöllinn þegar 20.umferð Bestu deildar karla hélt áfram göngu sinni.
HK vonaðist til að geta byggt á góð úrslit í síðustu umferð en gripu í tómt í Garðabænum.
Lestu um leikinn: Stjarnan 2 - 0 HK
„Alltaf svekktur með að tapa en samt svona svolítið öðruvísi svekktur en oft áður. Mér fannst bara margt jákvætt í leik liðsins míns hérna í kvöld. Við vorum bara mjög nálægt því að skora mjög oft og búnir að koma okkur í fullt af fínum stöðum. Þetta bara einhvernveginn gekk ekki í kvöld og við töpum." Sagði Ómar Ingi Guðmundsson þjálfari HK eftir tapið í kvöld.
„Mér fannst aldrei uppgjöf í liðinu. Mér fannst við halda áfram að þrýsta á þá og vorum allan tíman að reyna að fá eitthvað út úr leiknum."
„Bæði mörkin eru svona mistök sem er hægt að lagfæra og gera betur í en svona heilt yfir þá er margt jákvætt sem er hægt að taka út úr þessu miðað við aðra leiki sem að við höfum tapað."
HK gerði tilkall til vítaspyrnu í síðari hálfleik þegar Atli Þór Jónasson fer niður í teignum en ekkert var dæmt.
„Mér finnst miðvörður Stjörnunnar bara halda honum frá því að komast í boltann og toga hann það mikið frá boltanum að það endar með að Atli dettur. Það er stórt móment í leiknum. Auk þess fannst mér Örvar eiga að fá seinna gula þegar hann hendir sér niður í teignum þarna bara eftir þrjár mínútur í seinni hálfleik og sleppa vel þar. Við eigum líka að gera betur og ekki vera upp á það komnir að þeir hitti á allar stóru ákvarðanirnar."
Nánar er rætt við Ómar Inga Guðmundsson í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
