Leiknir og Vestri gerðu markalaust jafntefli í afar tíðindalitlum leik í dag. Sigurður Heiðar Höskuldsson þjálfari Leiknis var ekkert sérstaklega ánægður í leikslok.
Lestu um leikinn: Leiknir R. 0 - 0 Vestri
„Þetta var eiginlega bara lélegt, held að við séum allir sammála með það að þetta var ekki nógu gott''
Mörg gul spjöld fóru á loft í leiknum og hart var barist. Það var talsverð rigning og það var ekki mikið um tilþrif. Sigurður tók undir það að bleytan hafi haft talsverð áhrif á leikinn.
„Jájá, þegar það er bleyta þá renna menn hraðar og fastar , þetta var bara barátta''
Leiknismenn sömdu á dögunum við Ágúst Leó Björnsson en hann kemur frá Þrótti Reykjavík. Ágúst spilaði síðustu 10.mínúturnar í leiknum í dag. Sigurður býst ekki við því að fá fleiri leikmenn áður en glugginn lokar.
Athugasemdir
