Augustinsson á tvö mörk í 50 landsleikjum með Svíþjóð.
Sænski bakvörðurinn Ludwig Augustinsson hefur fengið lítinn spiltíma á láni hjá Aston Villa á fyrri hluta leiktíðar.
Hann er samningsbundinn Sevilla og hefur spænska félagið ákveðið að endurkalla hann til baka frá Aston Villa til að senda hann á nýjan áfangastað.
Þrátt fyrir slæmt gengi á fyrri hluta tímabils telur þjálfarateymi Sevilla sig ekki hafa not fyrir Augustinsson. Hann mun þess í stað fara til Mallorca á lánssamningi.
Mallorca er að eiga flott tímabil og situr um miðja deild sem stendur.
Augustinsson er 28 ára gamall og er samningsbundinn Sevilla til 2025. Spænska félagið keypti hann frá Werder Bremen í fyrra.
Athugasemdir
