Napoli virðist vera óstöðvandi um þessar mundir og er með 13 stiga forystu á toppi ítölsku deildarinnar eftir sigur í hörkuslag gegn AS Roma.
Rómverjar mættu grimmir til leiks og pressuðu hátt upp völlinn en það var Victor Osimhen sem tók forystuna fyrir heimamenn eftir flottan undirbúning frá Georgíumanninum öfluga Khvicha Kvaratskhelia.
Napoli leiddi eftir þokkalega jafnan og skemmtilegan fyrri hálfleik en Stephan El Shaarawy jafnaði fyrir gestina á 75. mínútu.
Giovanni Simeone og Giacomo Raspadori var skipt inn um leið og Rómverjar gerðu jöfnunarmarkið sitt og tíu mínútum síðar var Simeone búinn að skora glæsilegt mark með góðu skoti við vítateigslínuna.
Rómverjum tókst ekki að skapa mikla hættu á jöfnunarmarki þrátt fyrir mikinn vilja og niðurstaðan 2-1 sigur Napoli. Það virðist ekkert geta stöðvað félagið frá því að tryggja sér sinn fyrsta Ítalíumeistaratitil síðan Diego Armando Maradona var hjá félaginu.
Roma er í sjötta sæti eftir tapið, þó aðeins þremur stigum frá Inter sem situr í öðru sætinu.
Napoli 2 - 1 Roma
1-0 Victor Osimhen ('17)
1-1 Stephan El Shaarawy ('75)
2-1 Giovanni Simeone ('86)
Í fyrri leik kvöldsins áttust Lazio og Fiorentina við í spennandi og jöfnum slag þar sem miðvörðurinn Nicoló Casale tók forystuna fyrir heimamenn í Lazio snemma leiks.
Fyrri hálfleikurinn var tíðindalítill og einkenndist af mikilli baráttu en gestirnir frá Flórens voru sterkari aðilinn í líflegum síðari hálfleik.
Nicolas Gonzalez skoraði glæsilegt mark í upphafi síðari hálfleiks og komst Fiorentina nokkrum sinnum nálægt því að taka forystuna en boltinn rataði ekki í netið.
Heimamenn fengu einnig sín færi en hvorugu liði tókst að skora og lokatölur 1-1.
Lazio er í þriðja sæti deildarinnar, fimmtán stigum eftir toppliði Napoli. Fiorentina hefur ekki verið að standast væntingar og er um miðja deild.
Lazio 1 - 1 Fiorentina
1-0 Nicolo Casale ('8)
1-1 Nico Gonzalez ('49)
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 38 | 27 | 6 | 5 | 89 | 35 | +54 | 87 |
| 2 | Napoli | 38 | 23 | 7 | 8 | 58 | 36 | +22 | 76 |
| 3 | Roma | 38 | 23 | 4 | 11 | 59 | 31 | +28 | 73 |
| 4 | Como | 38 | 20 | 11 | 7 | 65 | 29 | +36 | 71 |
| 5 | Milan | 38 | 20 | 10 | 8 | 53 | 35 | +18 | 70 |
| 6 | Juventus | 38 | 19 | 12 | 7 | 61 | 34 | +27 | 69 |
| 7 | Atalanta | 38 | 15 | 14 | 9 | 51 | 36 | +15 | 59 |
| 8 | Bologna | 38 | 16 | 8 | 14 | 49 | 46 | +3 | 56 |
| 9 | Lazio | 38 | 14 | 12 | 12 | 41 | 40 | +1 | 54 |
| 10 | Udinese | 38 | 14 | 8 | 16 | 45 | 48 | -3 | 50 |
| 11 | Sassuolo | 38 | 14 | 7 | 17 | 46 | 50 | -4 | 49 |
| 12 | Parma | 38 | 11 | 12 | 15 | 28 | 46 | -18 | 45 |
| 13 | Torino | 38 | 12 | 9 | 17 | 44 | 63 | -19 | 45 |
| 14 | Cagliari | 38 | 11 | 10 | 17 | 40 | 53 | -13 | 43 |
| 15 | Fiorentina | 38 | 9 | 15 | 14 | 41 | 50 | -9 | 42 |
| 16 | Genoa | 38 | 10 | 11 | 17 | 41 | 51 | -10 | 41 |
| 17 | Lecce | 38 | 10 | 8 | 20 | 28 | 50 | -22 | 38 |
| 18 | Cremonese | 38 | 8 | 10 | 20 | 32 | 57 | -25 | 34 |
| 19 | Verona | 38 | 3 | 12 | 23 | 25 | 61 | -36 | 21 |
| 20 | Pisa | 38 | 2 | 12 | 24 | 26 | 71 | -45 | 18 |
