Reims 1 - 3 Metz
1-0 Ange Tia ('57)
1-1 Matthieu Udol ('78)
1-2 Alpha Toure ('110)
1-3 Gauthier Hein ('114)
1-0 Ange Tia ('57)
1-1 Matthieu Udol ('78)
1-2 Alpha Toure ('110)
1-3 Gauthier Hein ('114)
Reims og Metz áttust við í úrslitaleik umspilsins um síðasta lausa sætið í efstu deild franska boltans í kvöld.
Liðin gerðu 1-1 jafntefli í fyrri leiknum á heimavelli Metz, sem endaði í þriðja sæti í næstefstu deild, og mættust á heimavelli Reims, sem endaði í þriðja neðsta sæti efstu deildar, í kvöld.
Fyrri leikurinn fór fram 21. maí og átti Reims svo úrslitaleik við stórveldið Paris Saint-Germain í franska bikarnum 24. maí. Reims tapaði þeim leik 3-0 og missti þannig af Evrópusæti.
Í kvöld tókst Reims svo ekki að bera sigur úr býtum gegn Metz. Staðan var jöfn eftir venjulegan leiktíma og sigruðu gestirnir í liði Metz með tveimur mörkum í framlengingu.
Þetta er gríðarlega svekkjandi fyrir Reims, sem hefði getað forðast umspilssæti með svo litlu sem jafntefli í einum af síðustu þremur deildarleikjum sínum. Þess í stað tapaði Reims síðustu þremur deildarleikjunum í röð og endaði þannig í umspilinu.
Reims var sterkari aðilinn gegn Metz í venjulegum leiktíma, en tókst ekki að koma í veg fyrir jöfnunarmark Matthieu Udol á 78. mínútu.
Framlengingin var nokkuð jöfn en Metz nýtti færin sín betur og endaði á að sigra. Ótrúlega svekkjandi fyrir Reims sem lék síðast í Ligue 2 fyrir sjö árum síðan.
Metz hefur verið að flakka mikið á milli tveggja efstu deilda franska boltans á síðustu árum, en liðið féll síðast í fyrra eftir tap í umspilinu.
Athugasemdir
