Jökull var sáttur með sína menn í kvöld.
Stjarnan vann KR 4-2 fyrr í kvöld í áhugaverðri viðureign. Stjarnan komst í 3-0 stöðu eftir aðeins ellefu mínútna leik. Jökull Elísabetarson þjálfari Stjörnunnar mætti í viðtal eftir leik.
Lestu um leikinn: Stjarnan 4 - 2 KR
„Við vissum að það voru tækifæri að fara hratt á þá og það borgaði sig töluvert hraðar en ég átti von á."
„Þeir eru opnir til baka og ekkert sérstaklega hraðir, standa oft flatir. Við vissum það og ætluðum að nýta okkur það."
Stjarnan var 26% með boltann í leiknum.
„Mér fannst við fá hættulegri færi. Þeir eru góðir í að halda boltanum. Að einhverju leyti langaði manni að halda meira í boltann. Þegar þeir eru svona opnir til baka er það að einhverju leyti óborguð yfirvinna."
„Það er ekki partur af upplegginu að vera lítið með boltann. Það er erfitt að setja hann ekki í gegn þegar þú ert með svona fljóta menn gegn svona línu, ég get ekki kvartað yfir því."
Viðtalið má sjá í heild sinni í spilaranum hér fyrir ofan.
