KR létu í lægra haldi gegn Stjörnunni 4-2 í afar áhugaverðri viðureign. Stjarnan komst í 3-0 forystu eftir rúmlega 10 mínútna leik. Óskar Hrafn Þorvaldsson þjálfari KR mætti í viðtal eftir leik.
Lestu um leikinn: Stjarnan 4 - 2 KR
„Við gáfum þeim forgjöf, fyrstu ellefu mínúturnar skora þeir þrjú mörk úr þremur skotum. Það er eitthvað sem má að stórum hluta skrifast á það að við séum með nýja varnarlínu. Við höfum þurft að skipta um varnarlínu í hverjum einasta leik í sumar.“
„Það er sorglegt að fá á sig fjögur mörk gegn Stjörnuliði sem spilaði ekki betur en raun bar vitni. Mér fannst sóknarleikurinn að mörgu leyti frábær, en við hefðum átt að nýta færin betur.“
KR er með 10 stig eftir 9 leiki.
„Ef þú lítur þröngt á stigasöfnunina þá er hún ekki nógu góð. Ef þú lítur á hvar KR-liðið var í byrjun tímabils, hvernig liðið hefur þróast. Þá held ég að við séum á fínum stað til að verða betri.“
„„Þú færð mig ekki til að hafa áhyggjur í maí, það verður einhver annar að bera þær áhyggjur.“
Viðtalið má sjá í heild sinni í spilaranum hér að ofan.
