Bjarni Aðalsteinsson leikmaður KA var ánægður með úrslit dagsins eftir sigur gegn Fram 2-1.
„Mér fannst við töluvert betri aðilinn í leiknum, samt var þetta smá fram og til baka á köflum. Bara virkilega sætt að ná að klára þetta í lokin. Vonandi er þetta það sem koma skal hjá okkur, það er búið að ganga smá brösulega hjá okkur en við erum á réttri leið."
KA liðið vann sig töluvert inn í leikinn, byrjuðu ekki sem betri aðilinn, lentu undir en komu sterkir til baka.
„Þessi fyrri hálfleikur er náttúrulega ótrúlega skrýtinn. Það er bara stopp hvað eftir annað og mjög erfitt að koma sér inn í leikinn. Eftir að við jöfnum leikinn þá fannst mér við hafa öll tök á leiknum og stýra tempóinu. Í endan var þetta orðið smá svona fram og til baka, en geggjað að ná að koma boltanum inn."
Eins og Bjarni greinir frá var mikið um stopp í leiknum sem gerði það mjög erfitt að komast í eitthvað flæði.
„Þú vilt komast inn í leikinn í byrjun en það var alltaf stopp sem var mjög skrýtið. Þegar það kemur smá tempó í leikinn þá kemst maður inn í þetta. Þetta var ótrúlega skrýtinn fyrri hálfleikur, ég hef bara aldrei spilað svona leik áður."
Viðtalið má sjá í heild sinni í spilaranum hér fyrir ofan.
