Tveimur fyrstu leikjum kvöldsins er lokið í A-deild Þjóðadeildar kvenna, þar sem frænkur okkar frá Svíþjóð og Danmörku komu við sögu.
Sænska landsliðið gerði markalaust jafntefli úti á Ítalíu á meðan Danir höfðu betur gegn Wales á heimavelli. Pernille Harder skoraði eina markið í sigri Dana.
Liðin eru öll saman í riðli og ríkir gríðarleg spenna fyrir lokaumferðina, þar sem Danir og Svíar heyja úrslitaleik um toppsætið á meðan Ítalir geta tryggt sér annað sætið með sigri gegn Wales.
Þá fór mikið magn leikja fram í B- og C-deildunum þar sem Tékkland og Slóvakía unnu stærstu sigrana. Tékkar sigruðu 5-0 gegn Króatíu á meðan Slóvakar rúlluðu yfir Gíbraltar, 11-0.
Færeyjar gerðu jafntefli á útivelli gegn Moldóvu og eru þær færeysku búnar að tryggja sér annað sætið í riðlinum í C-deildinni. Þær munu því spila umspilsleik um sæti í B-deild.
Danmörk 1 - 0 Wales
1-0 Pernille Harder ('48)
Ítalía 0 - 0 Svíþjóð
Tékkland 5 - 0 Króatía
Rúmenía 2 - 0 Bosnía
Slóvenía 2 - 0 Grikkland
Serbía 1 - 0 Ungverjaland
Tyrkland 1 - 2 Írland
Úkraína 2 - 1 Albanía
Slóvakía 11 - 0 Gíbraltar
Kasakstan 4 - 0 Liechtenstein
Aserbaídsjan 0 - 5 Litháen
Eistland 0 - 3 Ísrael
Lettland 1 - 1 N-Makedónía
Andorra 1 - 2 Georgía
Lúxemborg 2 - 0 Armenía
Malta 1 - 0 Kýpur
Moldóva 1 - 1 Færeyjar
Athugasemdir
