Fótbolti.net

Siggi Höskulds: Megum ekki vera svona barnalegir í sumar

Gummi Tyrfings: Við slökktum í þeim frá fyrstu mínútu

Allur pakkinn dró Djuric norður - „KA er stórveldið á Akureyri"

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

fim 29. maí 2025 19:25

Haraldur Örn Haraldsson

Haddi: Samdi við Rúnar Kristins

Mynd: Fótbolti.net - Hafliði Breiðfjörð

Hallgrímur Jónasson þjálfari KA var ánægður með úrslit dagsins eftir að liðið hans vann Fram 2-1 með mark í uppbótartíma.

Lestu um leikinn: Fram 1 - 2 KA

„Það er mjög sætt, ég er mjög ánægður með mitt lið í dag. Við urðum fyrir skakkaföllum í fyrri hálfleik, verðum að gera breytingar og lendum undir. Það var gríðarlega góður karakter að koma til baka. Það er ekki auðvelt að koma til baka í þessari deild og vinna leiki eftir að þú lendir 1-0 undir. Það var ekkert allt fullkomið, en við héldum alltaf áfram og uppskerum í lokin. Virkilega sætt," sagði Hallgrímur.

Það þurfti mjög oft að stöðva leikinn vegna meiðsla og þá sérstaklega meiðsli KA manna. Halldór Hermann Jónsson sjúkraþjálfari KA liðsins hefur líkast til aldrei verið svona lengi inná velli síðan hann lagði skóna á hilluna.

„Hann fékk að hlaupa aðeins, hann elskar að hlaupa þannig hann fékk að hlaupa sína metra. Ég hef ekki áður séð tólf mínútna uppbótartíma í fyrri hálfleik en eins og ég segi þá komumst við í gegnum það. Mér fannst strákarnir svara ofboðslega vel. Tímabilið byrjaði erfiðlega, eins og í fyrra. Það er svo frábært fyrir þjálfara hjartað og fyrir KA fólk að sjá, það er mikið búið að ganga á. Ef við leggjum okkur 100% fram fyrir hvorn annan, þá gerast góðir hlutir. Mér fannst í lokin þegar við erum að rembast eins og rjúpan við staurinn að reyna að koma þessu inn. Þá gat það alveg farið þannig að þetta hefði endað í jafntefli, og ég hefði líka verið ánægður þá. Vegna þess hvað menn lögðu á sig, en það er ennþá sætara að sjá hann fara inn."

Birgir Baldvinsson, Rodrigo Gomes Mateo og Hrannar Björn Steingrímsson fóru allir meiddir af velli, en Hallgrímur hefur ekki stórar áhyggjur af því.

„Þetta eru mest högg held ég. Ég held að kannski tveir af þeim eru eitthvað meira en nokkrir dagar, hinir gætu verið klárir í næsta leik. Ég tek það að fá þrjú stig, ég er nú búinn að semja við kollega minn Rúnar að við náðum bikarnum í fyrra og urðum bikarmeistarar. Þeir mega verða bikarmeistarar núna og við fáum að taka þrjú stig hér á Lambhagavellinum."