Bakvörðurinn Neco Williams hefur áhuga á því að fara frá Liverpool. Hann áttar sig á því að hann verður ekki byrjunarliðsmaður hjá félaginu í náinni framtíð.
Þetta kom fram í Sunday Mirror.
Þar segir jafnframt að Liverpool sé tilbúið að selja hann í janúar fyrir 10 milljónir punda.
Það er kannski ekki skrítið að Williams sé að hugsa sér til hreyfinga. Fyrir framan hann í goggunarröðinni er enginn annar en Trent Alexander-Arnold. Það er hægt að færa rök fyrir því að Alexander-Arnold sé besti hægri bakvörður í heimi í dag.
Williams hefur spilað fimm leiki fyrir Liverpool á þessu tímabili og er hann sagður vilja fá að spila meira. Það kemur ekki til með að gerast hjá enska stórliðinu.
Athugasemdir