Ítalía í dag - Udinese getur bætt forskotið
Mynd: EPA
Mynd: EPA
Síðasti leikur helgarinnar í ítalska boltanum fer fram í kvöld. Þar er Udinese í dauðafæri á að auka forystuna sína í fjögur stig í baráttunni um síðasta Evrópusæti deildarinnar.
Udinese vermir sjöunda sætið sem stendur og er einu stigi fyrir ofan Torino og með leik til góða. Sigur hér í kvöld gæfi liðinu því dýrmæta forystu í Sambandsdeildarsætinu.
Udinese fór gríðarlega vel af stað á fyrri hluta tímabils en hefur hægt á sér að undanförnu og er aðeins með einn sigur í síðustu ellefu deildarleikjum. Sá sigur kom í síðustu umferð, á útivelli gegn fallbaráttuliði Sampdoria.
Gestirnir frá Verona munu ekki selja sig ódýrt enda eru þeir í harðri fallbaráttu þar sem þeir þurfa sigur. Verona er með 12 stig eftir 19 umferðir, sex stigum frá öruggu sæti í deildinni.
Leikur kvöldsins:
19:45 Udinese - Verona (Stöð 2 Sport 4)
