Franski miðjumaðurinn Thomas Lemar er genginn í raðir Girona á láni frá Atlético Madríd.
Ferill þessa 29 ára gamla miðjumanns hefur farið heldur hratt niður á við síðustu ár.
Hann var í franska landsliðinu sem vann HM árið 2018 og var í kjölfarið keyptur til Atlético frá Mónakó. Á þessum tíma þótti hann með mest spennandi miðjumönnum Evrópu.
Lemar átti gott fyrsta tímabil en var ekki eins mikilvægur tímabilið á eftir. Hann gekk í gegnum endurnýjum lífdaga er Diego Simeone, þjálfari liðsins, skipti um leikkerfi.
Þar notaði hann Lemar vinstra megin á miðjunni og stóð hann sig vel, en síðustu ár hefur hann glímt við erfið meiðsli og tók félagið ákvörðun að senda hann til Girona á lán út tímabilið.
Girona greiðir helming af launum Lemar sem vonast til að koma sér aftur á skrið eftir erfið tvö ár.
???? Hola, Thom! pic.twitter.com/6OwWAqb5Yb
— Girona FC (@GironaFC) July 30, 2025
Athugasemdir
