Þórður hefur leikið með Fjölni undanfarin ár, en samningur hans við Fjölni rann út eftir síðasta tímabil. Í desember viðurkenndi hann að hann væri að hugsa um að leggja hanskana á hilluna.

„Það er óvíst með markmannamál. Þórður Inga hefur verið að æfa með okkur síðustu 2-3 æfingar," sagði Arnar við Fótbolta.net.

Arnar segir að það sé klárlega áhugi fyrir því hjá Víkingum að semja við Þórð, sem hefur spilað 244 leiki á ferlinum en þar af eru 134 í efstu deild. Auk Fjölnis hefur Þórður spilað með KR og BÍ/Bolungarvík. Þórður er þrítugur.

Víkingur hefur ekki enn samið við leikmann eftir að síðasta tímabili lauk, Fossvogsliðið ætlar að vanda sig í þeim málum.

Víkingar höfnuðu í 9. sæti Pepsi-deildarinnar í fyrra en Arnar, sem var aðstoðarþjálfari Loga Ólafssonar, tók við sem aðalþjálfari að tímabilinu loknu.