Barcelona og Celta Vigo mættust í lokaleik dagsins í spænsku úrvalsdeildinni, þar voru fimm mörk skoruð.

Lionel Messi var í miklu stuði í kvöld, hann kom Barcelona yfir með marki úr vítaspyrnu á 23. mínútu.

Gestirnir í Celta Vigo jöfnuðu á 42. mínútu og því stefndi allt í að jafnt yrði í hálfleik, Messi sá hins vegar til þess að svo fór ekki þegar hann skoraði annað markið sitt og annað mark Barcelona á 45. mínútu.

Þegar seinni hálfleikur var þriggja mínútna gamall skoraði Messi þriðja markið sitt og þriðja mark Barcelona, það var svo Sergio Busquets sem gulltryggði sigur Börsunga þegar hann skoraði á 85. mínútu.

Barcelona fer með sigrinum á topp deildarinnar og tekur toppsætið af Real Madrid.