Sara Björk Gunnarsdóttir.
Sara Björk Gunnarsdóttir og liðsfélagar hennar í Rosengård duttu út úr Meistaradeildinni í síðustu viku á útivallarmörkum eftir 3-3 jafntefli gegn Wolfsbug. Sara er mætt til Íslands til að spila með íslenska landsliðinu gegn Hollandi í Kórnum á laugardag.
,,Ég er búinn að fá nokkra daga til að jafna mig. Núna er ég komin í nýtt verkefni og það er einbeiting á leikinn á móti Hollandi," sagði Sara Björk við Fótbolta.net í dag.
,,Það er flott að fá að spila þennan leik. Þetta er mjög sterkt lið og góður æfingaleikur fyrir okkur."
Sara nefbrotnaði í fyrri leiknum gegn Wolfsbug og var með grímu í síðari leiknum. Verður hún með grímu gegn Hollendingum á laugardaginn?
,,Ég held ekki. Hún er mjög óþægileg. Hún er stór og klunnaleg og ég sé ekki eins vel með hana. Ég vona að ég þurfi ekki að nota hana," sagði Sara.
Leikur Íslands og Hollands fer fram í Kórnum klukkan 14:00 á laugardag. Frítt inn.
Athugasemdir
