Championship: Chair kom inn á og breytti leiknum fyrir QPR

QPR hefur verið í brasi í Championship deildinni á þessari leiktíð en liðið fékk Preston í heimsókn í kvöld.

Staðan var markalaus í hálfleik en Paul Smyth kom QPR yfir eftir undirbúning Ilias Chair sem kom inn á í hálfleik fyrir Jack Colback.

Chair var aftur á ferðinni undir lok leiksins þegar hann lagði upp annað mark leiksins sem Chris Willock skoraði og tryggði um leið QPR sigur.

QPR er í 22. sæti með 16 stig, fjórum stigum á undan Rotherham eftir sigurinn í kvöld en Preston er í 8. sæti með 28 stig.