Schalke er að eiga hörmulegt tímabil en liðið er sem stendur í 16. sæti B-deildarinnar í Þýskalandi. Thomas Reis var skiljanlega rekinn úr starfi þjálfara á dögunum.

Schalke leitaði þá til Raul að taka við starfinu en hann hafnaði tilboðinu félagsins.

Raul er 46 ára gamall en hann lék 741 leik með Real Madrid á sínum magnaða leikmannaferli. Hann skoraði 323 mörk í þessum leikjum fyrir Madrídarstórveldið. hann spilaði þá 102 landsleiki fyrir Spánverja og skoraði í þeim 44 mörk. Hann spilaði einnig um stutt skeið með Schalke.

Raul hefur þjálfað bæði B-lið Real Madrid og U19 liðið eftir að skórnir fóru upp á hillu og er vel metinn innan félagsins. Hans draumur er að þjálfa aðallið Madrídinga einn daginn. Hann er ánægður í Madríd og langar ekki að fara þaðan í augnablikinu.