„Aurélien Norest, eða Frenchy eins og við þekkjum hann flest, hefur skrifað undir samning við Vestra og er því kominn aftur heim," segir í tilkynningu frá Vestra í kvöld.

Frenchy spilaði fyrir Vestra árin 2016 og 2017 og náði þar 45 leikjum í deild og bikar. Þaðan hélt leiðin til Umeå í sænsku 1. deildinni. Þar spilaði hann við góðan orðstír í þrjú ár.

Norest er 28 ára gamall fjölhæfur franskur miðjumaður sem getur einnig spilað sem miðvörður og hægri bakvörður.

Vestri hafnaði í sjöunda sæti Lengjudeildarinnar í fyrra en ætlar sér stærri hluti í ár.