Suður-Ameríkurmennirnir Lionel Messi og Luis Suarez minntu rækilega á sig í 5-0 sigri Inter Miami á Orlando City í MLS-deildinni í kvöld.
Úrúgvæski framherjinn Luis Suarez hefur verið harkalega gagnrýndur fyrir frammistöðuna í fyrstu leikjum tímabilsins og voru margir á því að hann væri líklega kominn yfir hæðina.
Hann vísaði því til föðurhúsanna með stórkostlegri frammistöðu í kvöld þar sem hann skoraði tvö og lagði upp tvö.
Suarez skoraði tvö frábær mörk. Fyrra með viðstöðulaususkoti eftir fasta sendingu frá hægri og síðara þar sem hann keyrði sig í gegnum vörn Orlando áður en hann lagði boltann niðri í hægra hornið.
Hann lagði síðan upp þriðja markið fyrir Robert Taylor áður en Messi bætti við fjórða með laglegri vippu. Suarez lagði síðan upp fimmta og síðasta markið með góðri fyrirgjöf á fjær og á Messi sem stangaði boltanum í vinstra hornið.
Dagur Dan Þórhallsson var í vörn Orlando og spilaði allan leikinn, en Orlando er aðeins með eitt stig úr fyrstu tveimur leikjunum. Inter Miami er með sjö stig eftir þrjá leiki í Austur-deildinni.
Messi makes it ?????
— Inter Miami CF (@InterMiamiCF) March 2, 2024
Suárez whips in a ball to Messi who finishes it for our fifth goal of the night ????#MIAvORL | 5-0 pic.twitter.com/iQEcpBUqBG
Athugasemdir