Barcelona tekur á móti Real Madrid
Átta liða úrslit Meistaradeildar Evrópu í kvennaflokki klárast í kvöld með tveimur stórleikjum.
Spænska stórliðið Barcelona tekur á móti erkifjendum sínum í Real Madrid í El Clásico klukkan 16:45.
Börsungar unnu sannfærandi 6-2 sigur í fyrri leiknum sem fór fram á heimavelli Madrídinga og eru þær því komnar með annan fótinn í undanúrslit.
Í síðasta leiknum i 8-liða úrslitum mætast stórveldin Lyon og Wolfsburg, sem eru tvö bestu lið í sögu Meistaradeildarinnar, en Lyon er sigursælasta lið keppninnar með átta titla og alls komist ellefu sinnum í úrslitaleikinn en Wolfsburg er með tvo titla og farið sex sinnum í úrslitaleikinn.
Wolfsburg leiðir í einvíginu, 1-0, en seinni leikurinn er spilaður á heimavelli franska liðsins.
Leikir dagsins:
16:45 Barcelona - Real Madrid (6-2)
19:00 Lyon - Wolfsburg (0-1)
