Segir Joelinton eiga framtíðina fyrir sér - „Algjör vél"

Trippier var spurður út í það hver væri erfiðastur við að eiga á æfingum.

„Joelinton, ég hef spilað með mörgum frá suður ameríku í gegnum árin og hann er alltaf 100% á æfingum. Ótrúlegur leikmaður, algjör vél. Breytingin á ferlinum hjá honum, miðað við það sem ég hef heyrt frá því fyrir yfirtökuna, hefur verið ótrúleg, þvílíkur leikmaður. Hann á framtíðina fyrir sér," sagði Trippier.

Joelinton var fenginn til Newcastle frá Hoffenheim árið 2019 til að skora mörkin en það gekk afar illa hjá honum í fremstu víglínu og hefur hann verið færður aftar og bætt leik sinn heldur betur.