Sævar Atli fyrirliði Leiknis
Leikni tókst ekki að fylgja á eftir góðum útisigri á Keflavík í síðustu umferð þegar liðið tók á móti ÍBV á Domus Nova vellinum í Breiðholti í kvöld en lokatölur urðu 2-4 fyrir ÍBV. Leiknismönnum var heitt í hamsi við þriðja mark ÍBV sem Gary Martin skoraði er hann lagði boltann í netið með hendi.
Lestu um leikinn: Leiknir R. 2 - 4 ÍBV
„Ég er mjög vonsvikinn. Mér fannst betra fótboltaliðið tapa hér í dag en við fegnum þrjú dauðafæri í fyrri hálfleik og ef við hefðum nýtt þau hefði staðan verið öðruvísi.“
Fréttaritari bjó að því að hafa tekið viðtal við Gary Martin áður en að viðtalinu við Sævar kom þar sem Gary viðurkenndi að hafa skorað með hendi. En það gerir tapið ekkert auðveldara fyrir Sævar og Leiknismenn.
„Nei enda sáum við það en það eru fjórir dómarar á vellinum og það er ótrúlegt að engin af þeim hafi séð það og allir með fínustu afsökun fyrir því en lélegt hjá honum líka að skora með hendinni og óíþróttamannslegt.“
Allt viðtalið við Sævar má sjá hér að ofan.
Athugasemdir
